Фудбалската федерација на Косово, ги осуди скандирањата на навивачите на Србија за време на квалификацискиот натпревар против Албанија одигран синоќа во Лесковац. Федерацијата ќе поднсе и жалба до УЕФА за скандирањата.
Српската репрезентација загуби на домашен терен од Албанија со 0-1, и со тоа драстично ги намали шансите за пласман во баражот за Светското првенство.
За време на мечот фановите скандираа „Косово е Србија“.
„Фудбалската федерација на Косово остро ги осудува антикосовските скандирања и провокативните пораки на трибините на стадионот во Лесковац, каде што беше кренато српското знаме, поставено на карта на Косово, за време на натпреварот меѓу Србија и Албанија.
За жал, ваквите сцени не се ништо ново на српските стадиони, каде што говорот на омраза и навредливите пораки насочени кон соседните земји продолжуваат да се повторуваат без соодветна казна. Фудбалската федерација на Косово смета дека ваквите постапки се спротивни на духот на спортот, принципите на почитување и вредностите што ги претставуваат УЕФА и ФИФА.
Во врска со ова, Фудбалската федерација на Косово ќе испрати протестна нота до УЕФА, барајќи таа да преземе јасни и строги мерки против Фудбалската федерација на Србија за овие повторени дејствија, кои го нарушуваат имиџот на фудбалот и ги поткопуваат принципите на УЕФА и ФИФА“, стои во соопштението на ФФК.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
