Селекцијата на Косово обезбеди бараж натпревар за пласман на Мундијалот против Турција, откако вечерва сензационално нашиот северен сосед ја елиминираше Словачка победувајќи ја во Братислава со 3-4.
И покрај тоа што два пати имаа негатива, сепак, на крајот селекцијата на Косово стигна до победата. Валјент во 6. минута донесе предност за домашната селекција, а потоа Хоџа израмни во 21. минута.
Хараслин пред истекот на првиот дел донесе нова предност за Словаците.
Но со головите на Аслани, Муслија и Хајризи, Косовците стигнаа до 2-4, а Словачка само на крај успеа да намали преку Стрелец.
Италија не ја повтори грешката од 2022 година, и обезбеди пласман во финален бараж. Италијанците со 2-0 ја совладаа Северна Ирска, и го чекаат својот ривал (победникот од дуелот Велс – БИХ) во финалето за пласман на СП. Головите за Италија беа дело на Тонали и Кен.
Во финален бараж се пласираше и Шведска, која со 1-3 ја совлада селекцијата на Украина.
Сонот за пласман на СП заврши за Албанија, која загуби од Полска со 2-1. Албанците имаа предност од 0-1 со гол на Хоџа, а Левандовски и Зиелински за 10 минути од вториот дел успеаја да направат пресврт и да се пласираат во финалниот бараж.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
