Екипата на Питешт, во чии редови настапува и Александар Костоски, приреди изненадување во „лигата за титула“ во романскиот шампионат, славејќи на дуелот против Стеауа со резултат 77-69.
Стеауа важи за главен конкурент за титулата и влезе во мечот со серија од пет победи, Питешт не знаеше за триумф во претходните четири кола, но Костоски и соиграчите максимално мотивирано влегоа во мечот, одиграа одлично во одбраната и на крајот заслужено се радуваа на победата.
Македонскиот репрезентативен плејмејкер го заврши натпреварот со седум поени и шест асистенции, а најефикасен кај Питешт беше Американецот Расел со 22 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
