Македонската репрезентација ќе биде дополнително ослабена на претстојниот меч со Романија поради неиграњето на Александар Костоски. Искусниот плејмејкер донел одлука за завршување на својата репрезентативна кариера и за истото веќе го известил селекторот Јорданчо Давитков.
„Александар Костоски разговараше со мене и ми кажа дека од лични причини повеќе нема да настапува за репрезентацијата. Се обидов да го убедам да настапи барем со Романија, не успеав… Тој е играч што секогаш одговарал на нашите повици, бил тука да помогне и сега треба да го почитуваме неговиот став“ – изјави Давитков.
Костоски долги години е член на националниот тим, ги мина сите младински категории на Македонија, а во негово отсуство улогата на прв плејмејкер на дуелот со Романија најверојатно ќе му припадне на Андреј Магдевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
