Кошаркарите на Кожув го загубија стартниот меч од новата сезона во БИБЛ. На гостувањето во Бугарија, гевгелискиот тим доживеа пораз (69-62) од Берое.
Првата четвртина домаќинот ја доби со 20-13, а на полувреме Берое замина со шест поени предност (31-25). Во последните десет минути бугарскиот состав влезе со десет кошеви позитива, а потоа Кожув успеа да намали на 54-53. Но, тоа беше и се од македонскиот претставник на овој меч. Берое сепак успеа да го скрши отпорот на Кожув и да оствари триумф.
Најефикасен во таборот на Кожув беше Александар Радуловиќ со 19 поени, а девет уфрли Александар Штерјов.
Конер Франкамп со 26 постигнати поени беше творец на триумфот на Берое.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
