Рома го потврди трансферот на Николо Заниоло во Галатасарај. Галатасарај за овој трансфер ќе плати 16,5 милиони евра, плус 13 милиони во бонуси. Заниоло потпиша четиригодишен договор за плата од 3,5 милиони евра по сезона.
Заниоло изрази желба да го напушти клубот од главниот град на Италија, а целата сага конечно го доби својот крај.
„Рома може да потврди дека беше постигнат договор со Галатасарај за Николо Заниоло. Напаѓачот го комплетираше трансферот во турскиот клуб“, стои во соопштението на римската волчица.
Во договорот Заниоло има откупна клаузула од 35 милиони евра.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
