Фудбалерите на Динамо Загреб доживеаја елиминација во четвртфиналето од Купот на Хрватска откако загубија со 0-1 од Осиек на својот стадион.
Херои на победата на Осиек на „Максимир“ беа стрелецот на голот Хрвоје Бабац и голманот Марко Маленица, кој со навистина неверојатни интервенции ја сочуваа својата мрежа и минималното водство на гостите.
Натпреварот се играше на граница на услови, откако дождот го натопи теренот кој создаде барички, а се размислуваше и за одложување на натпреварот. Сепак, поради згуснатиот распоред на двата тима, одлучено беше да се игра.
Аријан Адеми влезе во игра на стартот на второто полувреме, додека Стефан Ристовски доби шанса во 70. минута.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
