Шпанскиот гигант Реал Мадрид влегува во трката за ангажман на дефанзивецот на Лајпциг, Дајот Упамекано. Тренерот Зинедин Зидан смета дека тој би бил одлично решение за централните позиции во одбраната и своевиден наследник на капитенот Серхио Рамос кој влегува во зрели фудбалски години. „Кралевите“ се подготвени да платат 65 милиони евра за Упамекано, иако неговата отштетна клаузула е вредна 80 милиони евра.
Сепак, глобалната криза предизвикана од коронавирусот сигурно ќе влијае и на намалување на сумите за трансфери во периодот што следи. Спортскиот директор на Лајпциг, Маркус Кроше, призна и дека клубот ќе мора да размислува за продажба на дел од најдобрите фудбалери за да ја надмине оваа кризна состојба. Дајот Упамекано и Тимо Вернер се фудбалерите кои имаат неколку понуди за заминување од Лајпциг.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
