Поранешниот македонски фудбалер Игор Кралевски, утре ќе присуствува на комеморацијата на прославениот хрватски тренер Мирослав Чиро Блажевиќ, кој почина на 8. февруари на 87-годишна возраст.
Комеморацијата на Блажевиќ ќе биде во Загреб, а Кралевски ќе учествува заедно со прославени имиња од регионот, кои го познаваа и тренираа под „палката“ на популарниот Чиро.
„Чиро Блажевиќ ме зема во Хајдук во 2005 година. Одам во Загреб да му одадам последна почит. Многу го почитував и како тренер и како човек. Од него имаше што да се научи“, рече Кралевски.
Блажевиќ дојде во Хајдук во 2005 година исто како и Кралевски. Но, за разлика од македонскиот фудбалер, Чиро кратко се задржа на клупата на тимот од Сплит. Кралевски играше во Хајдук од 2005 до 2007 година, а потоа замина во Луч Енергија во Русија. Од македонските клубови играше за Цементарница, Македонија ЃП, Работнички, Металург и Тетекс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
