Рафаел Надал стигна до рекордниот 14. трофеј на Ролан Гарос откако денеска на убедлив начин триумфираше над Норвежанецот, Каспер Руд со максимални 3-0, по сетови (6-3, 6-3 и 6-0).
Во првиот сет еден брејк беше доволен за Шпанецот. Во вториот Норвежанецот отвори одлично и брзо стигна до предност од 1-3. Сепак, тоа беше се од него бидејќи популарниот Рафа успеа да ги освои следните eдинаесет гејма и покрај тоа што го освои втроиот сет со 6-3, во третиот успеа да го остави продивникот на нула.
Ова за Рафаел Надал е рекордна 22. гранд-слем титула со што направи предност од плус два пред своите најголеми конкуренти Роџер Федерер и Новак Ѓоковиќ кои останаа на 20 титули од најголемите турнири.
Сега се очекува само прес-конференцијата на Рафа по завршувањето на која треба да соопшти некоја важна вест како што најавија од неговиот пи-ар тим.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
