Фудбалерите на Кристал Палас продолжија со фантастичните настапи против тимовите од горниот дел на табелата во Премиерлигата откако во 36. коло славеа со убедливи 4-0 против Манчестер Јунајтед.
Голеадата во Лондон започна во 12. минута кога мрежата на Онана ја затресе Олисе, а до полувремето домаќините имаа преднот од 2-0 со голот на Матета. Мичел во 58. минута постигна гол за 3-0, а конечниот резултат го постави Олисе со својот втор гол во 66. минута.
The double over United ✅😏#CPFC | #CRYMUN pic.twitter.com/Ck7LE6avOv
— Crystal Palace F.C. (@CPFC) May 6, 2024
Со 43 освоени бодови Кристал Палас останува сигурен од релегација на средината на табелата, додека Манчестер Јунајтед до последното коло ќе стравува за место во европските натпреварувања следната сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
