Tренерот со кој Бутел Скопје стигна до најголемиот клупски успех во Суперлигата, Кристијан Грчевски, ќе остане на кормилото на суперлигашот и во наредната сезона.
Тој денеска го продолжи својот договор со клубот од скопската населба.
„По една успешна сезона, продолжувањето на соработката беше очекувано. Тука сум четири сезони, едноставно сум свој и не би сакал нешто да променам. Клубот секојдневно расте, растат и амбициите. Работиме по добар систем во кој младите се многу застапени во целиот процес, но и поискусните го даваат она што навистина му треба на еден тим – искуството. Целиот спој на младост, искуство, добар тренерски тандем и добра конекција со управата не красат како клуб. Нормално е секоја сезона некој да си оди, да дојде некој друг. Знаеме сите што ни се случи, но успеавме да ги пребродиме сите трагедии. Останувам уште една сезона, која ќе биде многу тешка, бидејќи сите екипи се засилуваат, квалитетни се, ќе биде тешка борба за плеј-оф и излез во Европа. Ќе пробаме да донесеме неколку засилувања, но ништо плус од она што навистина ни треба“, изјави Грчевски
Суперлигашот досега ги продолжи договорите со кружните напаѓачи Владимир Јевтиќ и Стефан Стојчевиќ, а се засили со средниот бек Стефан Крстевски и десниот бек Филип Николов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
