Кристијан Стојкоски, без сомнение, е еден од хероите на Тиквеш за првиот трофеј во историјата на клубот! Кавадарчани го освоија трофејот од Купот на Македонија откако со 2-1 славеа против Воска Спорт во финалето, победа најавена со прекрасниот евро-гол на Стојкоски во првото полувреме.
А, за Стојкоски ова е четврти трофеј во Купот, по двата со Македонија ЃП и еден со АП Брера, сега го трасираше патот и до пехарот за Тиквеш.
„Неверојатно чувство… Сум освојувал досега трофеи, но ова е навистина нешто посебно. Со огромна желба цело Кавадарци ја посакуваше оваа историја. Затоа сите сме пресреќни. Нека гори сега Кавадарци… Не чека огромно славје вечерва. Целиот град го заслужи ова“ – истакна по мечот Стојкоски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
