Екипата на Крива Паланка без ниту еден пораз е есенски шампион во Суперлигата на Македонија во пинг-понг. Екипата на Астраион од втората по ранг македонска лига, пак, е најсериозен кандидат за влез во најдобрата македонска пинг понгарска лига.
На второто место зад Крива Паланка во Суперлигата по есенскиот дел заврши неколкукратниот шампион Младост 96 со 17 бодови, а на третото место е Шампиони ФА со 15 бодови.
Во Првата македонска лига, втора по ранг по Супер лигата, Астраион од Струмица е екипата без ниту еден пораз и со 16 бодови на врвот. Веднаш позади се Радовиш со 15 и Прилеп со 14 бодови.
И покрај доминацијата на екипите од Крива Паланка и Струмица во двете најдобри лиги пролетниот дел од сезоната ќе биде посебно возбудлив и неизвесен.
Покрај лигашките натпревари во јануари во Скопје ќе се одржи Европско првенство во категорија до 21 година, додека во септември годинава Пинг-понгарската федерација го организираше меѓународниот натпревар WTT Youth Star Contender.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
