Осомничените со физички напад, влечење и оттурнување се обиделе да ги попречат полицајците во интервенција поради тепачка и нарушување на јавниот ред и мир по натпреварот меѓу Струга ТЛ и Гостивар во Струга во Првата македонска фудбалска лига. Полицијата ги идентификува пријавените како А.А. (31) од Германија, А.Д. (25) од Сенегал, Ш.Т. (25) од Турција и Е.Д. (28) од Гостивар.
Според портпаролот на СВР Охрид, Стефан Димоски, против нив се поднесени кривични пријави за „спречување на службено лице во вршење службено дејствие“ и „напад на службено лице при вршење работи на безбедноста“. Тие биле приведени веднаш по натпреварот против екипата на Струга.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
