Крилниот играч Ване Крстевски, денеска беше промовиран во нов член на Шкендија. Крстевски во тетовскиот тим доаѓа од Брера Струмица, која ќе добие отштета за овој трансфер. Договорот е на 3,5 години.
Крстевски, еден од најдобрите играчи во ПМФЛ, кажа дека е задоволен од трансферот и надеж дека ќе помогне клубот да ги исполни високите амбиции и цели.
„Чувството е прекрасно, среќен сум што сум тука. Благодарам на укажаната доверба и се надевам дека ќе ја оправдам со добри игри и настапи од моја страна. Знам дека дојдов во голем клуб со големи амбиции. Шкендија има високи цели и голем број навивачи. Ќе дадам се од себе да ја оправдам довербата која ми ја дадоа со мое максимално залагање“, изјави Крстевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
