Фени индустри значително ги засили своите редови ангажирајќи го поранешниот младински репрезентативец на Србија, Немања Крстиќ. Тренерот Малинков беше во потрага по квалитетен играч кој би ја покрил крилната позиција, а од неколкуте опции кои беа во игра на крајот беше постигнат договор со Крстиќ.
Станува збор за квалитетен кошаркар кој подеднакво добро се снаоѓа на позициите „два“ и „три“. Крстиќ (205см, 86 кг) сезонава ја почна во црногорскиот тим Морнар, екипа со која настапуваше и во рамките од АБА-лигата, но си замина откако не се избори за поголема минутажа. Претходно Крстиќ со успех има настапувано и за Игокеа, тим со кој стигна до двојна круна во шампионатот и Купот на БиХ.
Српскиот интернационалец во текот на следната седмица ќе пристигне во Кавадарци, а своето деби во дресот на Фени се очекува да го има на завршниот турнир од Купот на Македонија, што ќе се игра токму во Кавадарци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
