Роналд Куман не го криеше бесот од судиската одлука при пеналот за првиот гол за Англија, што според холандскиот селектор беше клучен фактор на синоќешното полуфинале.
Хари Кејн шутираше и промаши, но во продолжението на тој шут дојде до контакт меѓу него и Дамфрис што главниот судија Цвајер најпрвин не го санкционираше, но по повикот од ВАР собата ја промени својата одлука и покажа на белата точка.
„Ете како ВАР го уништува фудбалот, сите бевме сведоци… Не беше пенал, немам никаква дилема околу тоа. Дамфрис е таму за да го блокира шутот, тој не го допира Кејн во моментот на шут, туку само доаѓа до судир на нивните нозе откако топката веќе е надвор од игра. Фудбалот е уништува со ваквите одлуки… Еве кажете ми, што требаше Дамфрис да направи како дефанзивец… Судијата денеска досуди неколку смешни работи, но ова беше врвот“, изјави Куман.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
