Куп „Благоја Георгиевски – Буштур“: Четири тима, еден трофеј

По едногодшина пауза Купот кој од оваа година ќе го носи името „Благоија Георгиевски – Буштир“ се враќа во етерот со два полуфинални натпревари во женската конкуреција во кои силите ќе си ги одмерат Бадел 1862 и Крива Паланка, односно Баскет КАМ и Вардар. Сите дуели ќе бидат со директен пренос на МТВ 3.

Првиот натпревар во кој ќе се сретнат нашиот најтрофеен клуб, Бадел 1862 и Крива Паланка е со почеток од 14 часот, дуел кој за „баделки“ е прв чекор кон враќање на Куп трофејот по тригодишна пауза во своите витрини. Меѓусебените дуели од регуларниот дел од сезоната му припаднаа на далеку поискусниот тим од Скопје, кој славеше со 77-41, односно 67-89 па фаворитската улога му припаѓа на составот на Стамевски, но Куп средбите се полни со изненадувања, а токму на тоа се надеваат избраничките на Ивановски.

Три часа подоцна, од 17:00 по дуелот на Баскет КАМ и Вардар ќе биде познат и вториот финалист. „Црвено-црните“ се бранители на трофејот, но на избраничките на Антиќ нема да им биде воопшто лесно против мотивираниот тим од Македонска Каменица. Баскет КАМ оваа сезона во два наврата славеше против скопскиот тим со 66-89 и 81-68, а на крилјата на преискусната Митрашиновиќ, избраничките на Ашаданов ќе се обидат да ја поминат првата пречка кон закитување на одличната сезона со трофеј.