Лидерот на табелата во Првата македонска фудбалска лига Струга Трим и Лум потешко од очекуваното стигна до четвртфиналето во националниот куп откако по пресврт на домашен терен славеше над Работнички со 2-1.
Гостите поведоа во 14. минута со голот на Крсте Велковски од пенал. Бесарт Ибраими не успеа да реализира пенал за стружани, но и покрај тоа домаќините некако успеаја на крајот да го урнат отпорот на противникот. Малески донесе израмнување за стружани од 1-1 во 76. минута, додека конечните 2-1 ги постави Кочовски во 82. минута.
Академија Пандев броеше до девет против третолигашот Љуботен, а до убедлива победа стигнаа и Шкупи против Воска 6-0, како и Шкендија против Скопје 5-0. Најтрофејниот македонски клуб Вардар без проблеми со 4-0 славеше над Фортуна, додека Брегалница со минимални 1-0 беше подобра од Пелистер, како и Силекс на гостувањето кај Тиквеш.
КУП 1/8 ФИНАЛЕ (14 ч.):
Струга ТЛ – Работнички 2-1
Тиквеш – Силекс 0-1
Брегалница – Пелистер 1-0
Шкупи – Воска 6-0
Ак. Пандев – Љуботен 9-0
Шкендија – Скопје 5-0
Вардар – Фортуна 4-0
19. октомври:
Победа – Македонија ЃП
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
