Гостувањето на Вардар против Академија Пандев во Струмица, се чини, е најинтересната пресметка од денешните осминафинални дуели во Купот на Македонија.
Покрај овој дуел меѓу „пандевци“ и „вардарци“, уште две прволигашки пресметки се на програмата, меѓу Струга Трим Лум и Работнички во Струга, како и онаа меѓу Ренова и Пелистер која ќе се игра на теренот во село Голема Речица.
Поради реконструкцијата на теренот во Тетово, Шкендија во Гостивар ќе биде домаќин на истоимениот второлигаш, а повеќе од интересен мегдан ќе има и во Штип каде Брегалница ја пречекува Беласица. Шкупи ќе биде домаќин на Кит Го на стадионот „Борис Трајковски“ во Маџари.
КУП НА МАКЕДОНИЈА – ОСМИНАФИНАЛЕ (денеска, 14:30 ч.)
Струмица: АК. ПАНДЕВ – ВАРДАР
Штип: БРЕГАЛНИЦА – БЕЛАСИЦА
Г. Речица: РЕНОВА – ПЕЛИСТЕР
Гостивар: ШКЕНДИЈА – ГОСТИВАР
Струга: СТРУГА ТЛ – РАБОТНИЧКИ
Скопје: ШКУПИ – КИТ ГО
Гевгелија: КОЖУФ – СИЛЕКС
Скопје: МАКЕДОНИЈА ЃП – КАМЕНИЦА САСА
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
