Вардар обезбеди полуфинале во Купот на Македонија откако триумфираше со 1-0 против Силекс во четвртфиналната пресметка на арената „Тодор Проески“.
Место во полуфиналето обезбедија и Шкендија и Струга ТЛ, исто така по минималните победи над Детонит Плачковица односно Гостивар.
„Вардарци“ до триумфот вреден полуфинале дојдоа во 68. минута со ефектниот гол на Камерунецот Данел Донгмо кој прецизно шутираше од работ на шеснаесетникот.
Струга ТЛ, пак, победи со 1-0 во прволигашката пресметка против Гостивар, а благодарение само на гостинските фудбалери кои им подарија погодок.
Повеќе од траги-комичен погодок на Кехинде кој во 48. минута само искористи што се му подарија противничките фудбалери. Најпрво неспретна реакција на гостинскиот дефанзивец, а потоа уште понесигурна интервенција и на голманот на Гостивар кој на самата гол линија му ја остави топката на Кехинде…
Шкендија триумфираше со 0-1 на гостувањето против Детонит Плачковица во Радовиш со голот на Шала во 22. минута.
АП Брера не ја оправда фаворитската улога против Арсими, играјќи 1-1 по регуларните 90 минути на домашен терен. Струмичани поведоа со голот на Фахд Нзенгуе од 15. минута, но гостите израмнија во 78.минута од средбата со погодокот на Таипи. Па сега преку пеналите ќе се одлучува патникот во полуфиналето од Купот на Македонија.
КУП НА МАКЕДОНИЈА – ЧЕТВРТФИНАЛЕ
Скопје: ВАРДАР – СИЛЕКС 1-0
Донгмо 68′
Струмица: АП БРЕРА – АРСИМИ 1-1
Фахд Нзенгуе 15′ – Таипи 78′
Радовиш: ДЕТОНИТ ПЛАЧКОВИЦА – ШКЕНДИЈА 0-1
Шала 22′
Струга: СТРУГА ТЛ – ГОСТИВАР 1-0
Кехинде 48′
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
