Филип Кузмановски и Магдебург продолжуваат со победничката серија од стартот на Бундес-лигата, стигнувајќи до нов убедлив триумф над домашен терен. Магдебург вечерва го пречека новиот прволигаш Нордхорн, декласирајќи го со убедливи 39-27.
Целата задача домашниот тим ја заврши уште во првото полувреме, поведувајќи со 20-13, по што во вториот дел Кузмановски и соиграчите уште повеќе ја зголемија предноста. Македонскиот репрезентативец не постигна ниту еден погодок (0/2), но имаше три асистенции за својот тим.
Филип Талески со Балинген претрпе убедлив пораз на гостувањето против Хановер (31-23). Поранешниот ракометар на Металург и на Рајн-Некар Левен постигна два гола од четири обиди.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
