Еурофарм Пелистер претрпе уште еден пораз во Лигата на Шампионите, овој дефинитивно најболен ако се знае дека македонскиот првак загуби од Пик Сегед со минимални 27-28. Битолчани одлично се бореа, но на крајот загубија со гол примен на пет секунди до крајот.
Филип Кузмановски го имаше својот деби настап во дресот на Е. Пелистер, а по мечот вели дека му е многу жал што не успеале да стигнат до победа на овој дуел.
„Бев многу мотивиран да играм пред оваа прекрасна публика. Навистина ми е жал што не стигнавме до победа на овој дуел. Имавме голема шанса за тоа и само пред ваква публика може да се победи вака квалитетен противник. Сегед е врвна и многу искусна екипа со големи имиња во својот ростер, и штета што не успеавме да го изненадиме. Ветувам дека во иднина ќе бидеме многу подобри и заедно со оваа публика ќе се радуваме на многу победи“, рече Кузмановски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
