ЕКИПА во Хернинг,
Стеван Цаневски
Капитенот Филип Кузмановски го одигра мечот на кариерата во националниот тим со 15 гола од 18 обиди во ремито (29-29) против фаворизираната Португалија.
По мечот најдобриот македонски ракометар очекувано среќен и горд пред се на своите соиграчи и на целиот тим кој успеа да го изненади големиот фаворит.
„После Данска навистина верувавме во себе… Знаевме дека имаме квалитет да одиграме против Португалија. Среќен сум и горд сум на целата екипа што 60 минути се боревме за Македонија. Покажавме срце и душа како се игра за Македонија“ – ни изјави по мечот Кузмановски, и дополни:
„Но, овој меч одма мора да го заборавиме. Одиме понатаму. Одиме максимално против Романија. Не знам какви се калкулациите за пласманот понатаму во следната рунда, но знам дека ќе играме како и сега на максимум против Романците за Македонија и целата наша спортск јавност“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
