Филип Кузмановски врза два одлични настапи во серија во Бундес-лигата, откако македонскиот репрезентативец беше меѓу најдобрите во таборот на Хановер и на денешниот дуел со Балинген. Екипата на Хановер не успеа да слави на домашен терен (25-29), но Кузмановски беше одличен во дресот на овој тим, постигнувајќи пет гола, надополнети со четири асистенции до соиграчите.
Филип Миркуловски со Вецлар рутински триумфираше со 30-25 на мечот против Штутгарт, чии бои ги брани Жарко Пешевски. На одмор се замина со само еден гол предност за Вецлар (12-11), за домаќините потоа да заиграат многу подобро во нападот во вторите 30 минути, да се одлепат резултатски и да стигнат до заслужен триумф.
Миркуловски учествуваше со еден гол од еден обид во триумфот на својот тим, а еднаш прецизен (од два обиди) на спротивната страна беше и Пешевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
