Составот на Арсен Венгер рутински славеше со резултат од 2-0 на средбата против ВБА, Александре Лаказет му донесе нова победа на Арсенал. „Топчиите“ по ремито со Челси се враќаат на победничките патеки, а со овие три бода по шест одиграни кола се наоѓаат на 7. место на табелата. Избраниците на Тони Пјулис се уште трагаат по победа откако од последните три меча имаат освоено само два бода.
На Арсенал му беа потребни овие бодови, па јасно беше дека ќе вршат опсада на голот Фостер. Но, во 20. минута од средбата, летното засилување од Лион го посгина својот четврти гол за клубот од Лондон во Премиер-лигата, откако со глава ја затресе празната мрежа во опасниот удар на Санчез од прекин. БВА имаше свои прилики за гол, сепак Пет Чех беше на ниво на задачата. Во вториот дел Лаказет го зголеми водството, поточно ги постави конечните 2-0 во 60. минута со удар од белата точка. Французинот можеше да стигне и до хет-трик само неколку минути подоцна, но на „Емирати“ резултатот остана ист до самиот финиш.
https://www.youtube.com/watch?v=F0lbNn2xK_k
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
