Никлас Ландин има одиграно бројни врвни средби во кариерата, но денешниот дуел со Алборг на гостувањето против неговиот поранешен клуб Кил на кој Данецот бранеше брилијантно и го предводеше својот тим до победа од 18-27. Ландин беше особено феноменален во првото полувреме во кое имаше 11 одбрани со 65 поссто успешност (3/4 одбранети пенали), запирајќи го Кил на само шест гола, најмал број на постигнати погодоци на „зебрите“ во едно полувреме во последните 20 години. Алборг на одмор замина со водство од 6-11, данскиот состав дополнително ја зголеми предноста на стартот од вториот дел и заслужено се радуваше на убедлив триумф среде Германија.
Ландин го заврши натпреварот со фантастични 19 одбрани и беше најзаслужен за големиот триумф на Алборг, во чии редови најефикасни беа Бартхолд со пет и Бјернсен со четири погодоци.
Суперинтересно беше на дуелот меѓу Загреб и Киелце, кој по голема борба заврши без победник, 22-22. Хрватскиот тим има за што да жали бидејќи имаше „плус два“ и напад на три минути до крајот. Киелце стигна до израмнување, полскиот гигант имаше и напад за победа, но Даи не успеа да го совлада голманот Мандиќ, кој бранеше извонредно и нанижа 18 интервенции на овој натпревар.
Во нападот, Кос постигна пет, а Дибиров и Чупиќ по три гола за Загреб, додека најефикасен кај Киелце беше Дани Душебајев со четири погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
