Жоан Лапорта се врати на чело на Барселона со што каталонскиот клуб влезе во нова фаза на „ребилдинг“ за враќање на клубот онаму каде што му е местото, но Шпанецот вели дека ситуацијата во тимот е многу полоша отколку што тој мислел.
„Клубот е во многу полоша ситуација, и покрај тоа што очекував да биде во тешка ситуација. Постојат договори кои не ограничуваат во организацијата. Има многу работи кои треба да се објаснат и нема да исклучувам никакви мерки. Се ќе биде објаснето бидејќи во спортивно и ние би биле учесници во „црните игри“. Во договорите постојано се појавуваат исти луѓе“, вели Лапорта.
Барселона ова лето одигра паметно на трансфер-маркетот и успеа на „Камп Ноу“ да доведе врвни играчи чии договори завршија со останатите клубови, со што во финансиската криза со која се соочува клубот ги доведе Мемефис Депај, Кун Агуеро и Ерик Гарсија. Лапорта и покрај овие тројца вети дополнителни засилувања, а се осврна и кон Лео Меси.
„Ќе доведеме уште три или четири засилувања. Ќе направиме многу компетентен тим. Би сакал и Меси што поскоро да каже „да“, тоа многу би ни помогнало. Комуницираме секој ден. Возбуден е и тој, а и јас сум многу благодарен бидејќи покажува желба да остане“, додаде Шпанецот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
