Фудбалскиот клуб Лацио доживотно им забрани на тројца навивачи да доаѓаат на стадионот поради дискриминација и антисемитизам за време на неодамна одиграното римско дерби.
Првиот од тројцата навивачи беше идентификуван од клубот со помош на надзорни камери, а на дресот го носеше натписот „Хитлерсон“ покрај бројот 88, број што го користат неонацистичките движења како метафора за „Хајл Хитлер“.
Полицијата потврди дека се работи за Германец кој направил инцидент на дербито во 2009 година. Останатите двајца навивачи се казнети поради нацистички поздрави, а полицијата вели дека се романски државјани.
Дисциплинската комисија на Серија А ќе одлучува за казните поврзани со наводите за антисемитски скандирања од навивачите. Италијанската фудбалска федерација веќе покрена истрага против Лацио поради наводите дека навивачите скандирале антисемитски пароли за време на натпреварот против Наполи на 3. март.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
