Со натпреварот меѓу Македонија ЃП и прилепска Победа во Скопје денеска стартува 3. коло од Првата македонска фудбалска лига.
По претходниот пораз од Шкупи, „лавовите“ на првиот мегдан сезонава пред своите навивачи во битка и за првите бодови. Сосема е јасно дека составот на ѓорчепетровци ќе атакува на триумф против прилепчани.
Но, јасно е и дека Победа, по двата почетни порази сезонава од Струга ТЛ и од Тиквеш, исто така посакува да дојде до првите бодови.
Останатите натпревари од третата рунда во шампионатот се играат утре, а слободна е екипата на Шкупи.
ПРВА ЛИГА – 3. КОЛО (денеска, 17 ч.)
Скопје: МАКЕДОНИЈА ЃП – ПОБЕДА
УТРЕ (17 ч.)
Кавадарци: ТИКВЕШ – БРЕГАЛНИЦА
Кратово: СИЛЕКС – СКОПЈЕ
Струмица: АК. ПАНДЕВ – ШКЕНДИЈА
Струга: СТРУГА ТЛ – РАБОТНИЧКИ
Слободен е ШКУПИ
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
