„Лавовите“ веруваат во чудо, ако може така да се нарече пласманот во второто коло од квалификациите во Лигата на Европа. Негативата од 1-3 против ерменски Алашкерт од првиот натпревар не носи многу надеж кај поголемиот дел од домашната фудбалска јавност. Но, така не размислуваат и фудбалерите на Македонија ЃП.
„Имаме сила и мотив за пласман понатаму. Посакуваме и стадионот ‘Петар Милошевски’ каде ќе го играме дуелот да ни донесе среќа“ – коментираа фудбалерите на Македонија ЃП на денешниот последен тренинг пред утрешниот натпревар.
Натпреварот меѓу Македонија ЃП и Алашкерт се игра утре со почеток од 16:30 часот на стадионот на тренинг центарот „Петар Милошевски“ во рамките на комплексот Куќа на фудбалот во Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
