Кире Лазаров не го криеше задоволството откако Алкалоид оствари историски успех со пласманот во полуфиналето од ЕХФ Европскиот куп.
„Сино-белите“ го декласираа романскиот претставник Баја Маре во меч во кој Алкалоид доминираше од почеток до крај, па Лазаров по мечот им честиташе на своите избраници, потенцирајќи дека големиот успех е остварен со екипа речиси целосно составена од домашни ракометари.
„Среќен сум и задоволен, се уште не ја чувствувам таа среќа бидејќи веќе почнува плеј-офот. Ова е голем успех за клубот и за македонскиот ракомет, бидејќи станува збор за тим составен 99% од македонски играчи. Им честитам на момците за сериозноста, за пристапот и за борбеноста која треба да ја прикажуват. Се чувствува во дадени моменти дека ни фли искуство, рутина да бидеме подобри. Мора да тежнеме во некој сегмент да имаме подобар автоматизам, да реагираме подобро“, изјави Лазаров на прес-конференцијата по натпреварот.
Се очекуваше ривал во полуфиналето да биде Олимпијакос, но Грците шокантно беа елиминирани, па на патот на Алкалоид до големото финале ќе стои норвешкиот претставник Рунар.
„Одиме на норвешкиот претставник ќе не чека атмоски ракомет, според информациите на начинот на кој ги играат мечеви. Се надевам дека ќе продолжиме со подобри изданија, иако нема да биде лесно, бидејќи го немаме најдобриот ракометар Марко Митев“, додаде Лазаров.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
