ЕКИПА во Вараждин,
Стеван Цаневски
Кире Лазаров го остави зад себе максимално стресниот дуел со селекцијата на Холандија, по што македонскиот селектор погледите ги насочи кон утрешниот меч со Гвинеја, кој е од решавачко значење за нашиот пласман во следната рунда.
Африканците делуваа како потпросечна репрезентација на првите две средби, но Лазаров е решен детално да ги анализира, да постави игра, но и да инсистира на максимално залагање од своите избраници, без ниту ронка потценување на противникот.
„Натпреварот со Гвинеја ни е од круцијално значење. Мораме да се мобилизираме и да го добиеме натпреварот. Нема да калкулираме воопшто, победата ни е потребна за пласман во втор круг. Можеби сме фаворити на хартија, но со оглед дека имавме две тешки и исцрпувачки дуели, очекувам тежок натпревар”, изјави Лазаров во пресрет на утрешниот дуел.
Мечот меѓу Македонија и Гвинеја се игра утревечер со почеток во 18 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
