Ајнтрахт Франкфурт ја елиминираше Барселона во четвртфиналето од Лига Европа откако по ремито во Германија, славеше со 2-3 на „Камп Ноу“ приредувајќи вистинска сензација во второто по ранг фудбалско натпреварување во Европа.
Костиќ го отвори мечот во 4. минута преку белата точка, а веќе во 36. минута Боре со одличен погодок донесе водство од 0-2. Шокот повторно го приреди српскиот интернационалец кој во 67. минута стави крај на надежите на каталонците за камбек. Поразот успеаја да го ублажат Бускетс во 91. минута и Депај кој реализираше пенал во 101. минута за 2-3.
Во полуфиналето се пласираше и Вест Хем кој по ремито со Лион во Лондон, славеше со 0-3 на гостувањето во Франција.
Даусон во 38. минута донесе предност од 0-1 за гостите, а кога се чинеше дека „чекичарите“ ќе ја задржат минималната предност и на полувремето, Рајс со гол во 44. минута донесе 0-2. Дилемите за победник ги реши Боувен во 48. минута.
Ајнтрахт Франкфурт и Вест Хем во полуфиналето му се приклучија на Франкфурт кој славеше во дуелот против Аталанта, а последниот патник ќе биде одреден по продолженијата на мечот помеѓу Ренџерс и Брага.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
