Трабзон на македонскиот интернационалец Енис Барди ја забележа првата победа во Лига Европа откако славеше на домашен терен против Црвена Звезда со 2-1. До победа домашниот тим стигна без услугите на Македонецот кој го проследи мечот од клупата.
Турскиот состав поведе преку Хамшик во 16. минута, а откако белграѓани останаа со играч помалку во 63. минута по исклучувањето на Кангва, Трезаге донесе 2-0 во 68. минута. Српскиот состав успеа да го убажи поразот со голот на Николиќ во 89. минута.
⏱️ 90′ Final Whistle
Trabzonspor 2-1 Crvena Zvezda #TSvCZV #UEL pic.twitter.com/zOWWn4QmJp— Trabzonspor Club (@Trabzonspor_EN_) September 15, 2022
До прв триумф во натпреварувањето стигна и Манчестер Јунајтед кој го доби гостувањето против Шериф со 0-2 благодарение на головите на Санчо и Роналдо. Младиот Англичанец ја затресе мрежата во 17. минута, додека искусниот Португалец реализираше од белата точка во 39. минута за првенец во натпреварувањето.
Two goals. Three points ✅#MUFC || #UEL
— Manchester United (@ManUtd) September 15, 2022
Во останатите натпревари убедлив триумф запиша Фејенорд кој на домашен терен славеше против Струм Граз со 6-0, убедлив беше и Митјуланд против Лацио со 5-1, Ференцварош славеше на гостувањето кај Монако со 0-1, Фрајбург со 0-3 кај Олимпијакос, Карабак со 3-0 на домашен терен против Нант и Реал Сосиедад со 2-1 против Омониа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
