„Кралот“ Леброн Џејмс со пораз ја стартуваше својата нова епизода во ЛА лејкерс. Иако се работи за претсезонски меч, „езерџиите“ загубија од Денвер со 107-124.
Џејмс го напушти Кливленд како слободен агент ова лето и потпиша договор со ЛА лејерс за следните четири години со вредност од 153,3 милиони долари.
Тој за 15 минути игра постигна девет поени, имаше три скока и три асистенции. Второто големо засилување, Рејџон Рондо, оствари ефект од два поени, седум скока и 11 асистенции за 23 минути на паркетот. Џавал Мекги беше најефикасен во составот на ЛА лејкерс со 17 поени. Кај Денвер, Хуанчо Ергангомес беше најдобар, со 19 поени и пет скока, а Џамал Мери уфрли 18 поени.
Редовната сезона во НБА – лигата почнува на 16 октомври.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
