Кошаркарите на Лос Анџелес Лејкерс ги победија Атланта Хокс со 141-116, во натпревар од НБА лигата.
Словенечкиот репрезентативец Лука Дончиќ оствари дабл-дабл учинок со 27 поени, 12 асистенции и пет скока. Сепак, Леброн Џејмс одигра најдобро во редовите на Лејкерси, кој потсети на најдобрите денови, беше на чекор од трипл-дабл учинок, постигна 31 поен со девет скока и 10 асистенции.
Покрај Леброн и Дончиќ, се истакна Џејк Ларавија со 17 поени, по што следуваше Деандре Ајтон со дабл-дабл учинок, односно 17 поени и 18 скока, додека Маркус Смарт имаше 16 поени со пет скока и четири асистенции.
Кај Атланта, Александар-Вокер се истакна со 26 поени, следен од Си-Џеј Мекалум со 25, додека Кори Киспер постигна 19 поени.
Кошаркарите на Денвер славеа како гости во Њу Орлеанс со 122-116.
Никола Јокиќ не играше осми натпревар по ред, Кристијан Браун, Кам Џонсон и Јонас Валанчиунас не беа на теренот, но Џамал Мареј се врати.
Мареј беше и најефикасен со 35 поени и девет асистенции. Пејтон Вотсон имаше значаен придонес со 31 поен, седум скока и пет асистенции.
Токму Вотсон погоди многу тежок шут во последната минута преку Зајон Вилијамсон, а во финишот Арон Гордон и Мареј го потврдија триумфот.
Треј Марфи со 31 поен и пет скока, Садик Беј имаше 17 поени и четири скока, Џордан Пул имаше 16 поени, а Вилијамсон имаше 12 поени, седум скока и четири асистенции.
Денвер е втор на табелата со резултат од 27-13, додека Њу Орлеанс е последен со учинок од 9-33.
НБА – ЛИГА:
Мајами Хит – Феникс Санс 127-121
Хјустон Рокетс – Чикаго Булс 119-113
Милвоки Бакс – Минесота Тимбервулвс 106-139
Њу Орлеанс Пеликанс – Денвер Нагетс 116-122
Оклахома Тандер – Сан Антонио Спарс 119-98
ЛА Лејкерс – Атланта Хокс 141-116
Голден стејт Вориорс – Портланд Блејзерс 119-97
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
