Леброн Џејмс уште еднаш покажа дека е еден од најдобрите кошаркари во историјата на НБА лигата. Ѕвездата на ЛА Лејкерс го престигна шесткратниот МВП на НБА лигата, Карим Абдул Џабар по број на минути одиграни во историјата на лигата.
Леброн стигна до вкупно 57.471 минута во 1.517 одиграни натпревари. Освен што го престигна Абдул-Џабар, Џејмс ја мина и границата од 10.000 поени постигнати во дресот на ЛА Лејкерс.
Моментално е на 13. место во историјата на клубот со 10.002 поени. Му недостасуваат уште 600 поени сезонава за да го мине членот на „Куќата на славните“ – Џамал Вилкс (10.601 поен) на 10.место.
Welcome to the LA 10K club, King 👑 pic.twitter.com/sp02RZUQTQ
— Los Angeles Lakers (@Lakers) December 20, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
