Зек Ледеј во изјава за српските медиуми откри дека Кевин Пантер влијаел на неговата одлука да остане во Партизан и следната сезона.
„Секако дека одлуката на Кевин да остане имаше одредено влијание и на мојата. Сепак, пресудни беа амбициите на клубот. Главен фактор за останувањето е желбата на клубот да се нападне Фајнлфор следната сезона“ – истакна Ледеј.
Ледеј со Партизан потпиша повеќегодишен договор, притоа не сакајќи да ги коментира понудите на другите клубови.
„Тоа што е важно е дека останав во Партизан. Единствено што сега ме интересираат се препреките на патот до поставената цел, и како нив да ги преминеме“ – вели Ледеј.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
