Великанот на македонскиот ракомет Кирил Лазаров, стана дел од Куќата на славните на ЕХФ, која Европската ракометна федерација вечерва на свечена манифестација ја отвори во чест на јубилејниот 30-ти роденден.
Гордоста на Македонија со тоа дополнително ја продлабочувајќи ја својата трага во историјата на спорот, а и како единствен Македонец кој се најде меѓу величествените одново ја претстави нашата држава во најдобро можно светло.
Покрај Лазаров, од оние кои се најдоа во „Куќата на славните“, а настапувале на терените ширум Македонија беа и поранешниот голман на Вардар, Арпад Штербик, како и Aња Алтхаус која претходно остави трага во моќниот тим на ЖРК Вардар, македонската снаа Едуарда Аморим-Талеска која настапуваше за Кометал Ѓорче Петров, како и Ирина Дибирова, сопругата на Тимур Дибиров, која беше тренер во ЖРК Вардар.
Место во Куќата на славните има и за легендите Тиери Омејер, Ивано Балиќ, Драган Шкрбиќ, Момир Илиќ, Даниел Нарцис, Штефан Кречмар, Гудјор Валур Сигурдсон, Филип Јиха, Виктор Томас, Магнус Висландер, Вид Кавтичник, Талант Душебајев…
На гала-свеченоста присутен беше и претседателот на македонската ракометна репрезентација, Живко Мукаетов кој застана рамо до рамо со сегашниот селектор на Македонија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
