Легендарната американска кошаркарка, Сју Брд ја игра својата последна сезона во кариерата. Таа најави дека на крајот на сезонава во ВНБА лигата ќе се прости од кошарката.
Брд ја игра својата 21. сезона во најсилната женска кошаркарска лига на светот. 41-годишната кошаркарка ќе остане запаметена како една од најдобрите на сите времиња. Освои пет златни медали со репрезентацијата на САД на Летните олимписки игри, четири титули во ВНБА и пет во Евролигата.
Целата кариера во ВНБА ја помина во екипата на Сиетл Сторм, а лидер е во историјата на лигата во асистенции (3.114).
„Одлучив ова да биде мојата последна сезона. Ја сакав секоја минута. Ја играм мојата последна сезона, како што оваа мала девојка ја играше првата“, напиша Брд.
I’ve decided this will be my final year. I have loved every single minute, and still do, so gonna play my last year, just like this little girl played her first ☺️ #TheFinalYear @seattlestorm pic.twitter.com/Uo2YqCCKUD
— Sue Bird (@S10Bird) June 16, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА