Легендарниот англиски фудбалер Џон Барнс (61) прогласи личен банкрот откако неговата сега ликвидирана компанија „Џон Барнс Медиа Лимитед“ насобра огромни долгови од 1,5 милиони фунти (1,72 милиони евра) кон британскиот даночен орган (HMRC), објави САН .
Петицијата беше поднесена од даночните власти на почетокот на август, а наредбата за стечај беше донесена во Високиот суд на правдата на 23 септември. Во известувањето Барнс, кој живее во Вирал, беше опишан како „поранешен фудбалер“.
Во неодамнешното гостување во подкастот „All Things Business“, Барнс зборуваше за влијанието на финансиските проблеми врз неговиот живот.
„Освен неколку непроспиени ноќи, тоа немаше огромно влијание врз мене бидејќи гледате како функционира светот“, рече тој, додавајќи: „Ги гледате луѓето кои се во полоша состојба од мене“.
Тој кажа како започнаа неговите финансиски проблеми.
„Заработував многу пари, бев првиот фудбалер што заработуваше 10.000 фунти неделно и имав корист од тоа неколку години. Како и многу елитни спортисти, ме „изгоре“ довербата во луѓето, бев измамен неколку пати и на крајот изгубив помеѓу 1 милион и 1,5 милиони фунти во рок од четири години. Во 2017 година почнав да разговарам со HMRC за тоа што можам да направам за да го вратам она што го должев.“
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
