Поранешниот НБА кошаркар Крис Бош реши да сподели со јавноста една застрашувачка ситуација што му се случила. Како што самиот вели, преживеал само благодарение на комбинација од околности.
Учесникот на 11 ол-стар настани и двократен шампион беше принуден предвреме да се пензионира на 32-годишна возраст, во време кога сè уште важеше за еден од најдобрите крилни центри во најсилната лига во светот. Причината за ова беа постојаните згрутчувања на крвта, кои се проценуваа како опасни по живот.
Сега, приближувајќи се кон неговиот 42-ри роденден, се чини дека сè уште не успеал да избега од здравствените проблеми.
„Се разбудив покриен со сопствената крв. Беше лудо и брзо. Без предупредување, немав време да се подготвам за тоа. Се спремав да излезам на вечера со сопругата, а следниот момент бев на земја. Најстрашното беше што сè се случи толку брзо, среќен сум што се разбудив. Бев во целосен мрак, но се вратив. Не се сеќавам на ништо, освен дека успеав да ги отворам очите“, изјави Бош.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
