Еден од најдобрите голмани во светот, Мануел Нојер, стана глобален амбасадор на Hisense за кампањата на UEFA EURO 2024™.
Компанијата Hisense ја започна кампањата BEYOND GLORY за шампионатот на UEFA EURO 2024™ со потпишување договор со голманот на германската репрезентација и капитенот на Баерн Минхен, Мануел Нојер.
Мануел Нојер, освојувач на FIFA World Cup и освојувач на дури 11 титули во Бундеслигата, се приклучи на компанијата Hisense како официјален глобален амбасадор. Кампањата BEYOND GLORY ја слави постојаната потрага по извонредност што ја споделуваат и професионалните фудбалери кои се борат за европска слава и Hisense што постојано ги поместува границите на она што е можно во областа на домашната технологија.
Петкратниот добитник на наградата за најдобар голман на IFFHS (Меѓународната федерација за фудбалска историја и статистика), Мануел Нојер рече:
„Горд сум што сум дел од кампањата UEFA EURO 2024™ на Hisense како нејзин глобален амбасадор и со нетрпение го очекувам Европското првенство, како врв на предизвиците за елитните европски фудбалери“.
И како што голманите како Мануел ја чуваат последната линија на одбраната, така и Hisense е сигурна поддршка за потрошувачите и навивачите ширум светот, носејќи напредна технологија и супериорен квалитет по цена која е достапна за секого.
Кампањата BEYOND GLORY ја нагласува целта на компанијата да ги помести сопствените граници и да се соочи со долгорочна технолошка визија, амбициозни цели, постојана посветеност на напредокот на технологијата и исклучителен квалитет за подобрување на секојдневниот живот на сите нас. Како официјален партнер на UEFA EURO 2024™ и лидер во технологијата за екрани, мисијата на Hisense е да обезбеди совршено искуство за гледање натпревар на премиум телевизори и со одлични апарати за домаќинство.
Боб Ванг, директор за глобален маркетинг на Hisense, за потпишувањето на Нојер изјави:
„Чест ни е да му посакаме добредојде на Мануел како наш бренд амбасадор на UEFA EURO 2024™ и уверени сме дека тој е идеалниот претставник на нашата нова кампања. Голманот е столбот на неговиот тим, секогаш присутен и неопходен во постигнувањето на успехот. Како компанија, секогаш се стремиме кон слична цел – посветени сме на подобрување на животот на сите наши корисници со иновативна и сигурна технологија“, додавајќи дека ова е трето по ред Европско првенство спонзорирано од Hisense, што претставува одлична можност за понатамошен развој на врската помеѓу брендот Hisense и обожавателите ширум светот.
„Како компанија постојано работиме на подобрување на квалитетот на секојдневниот живот. Во соработка со Мануел, ќе обезбедиме неповторливо искуство на UEFA EURO 2024 за навивачите ширум светот“, заклучи Ванг.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
