Монако експресно ќе го реши тренерското прашање по разделбата од Саша Обрадовиќ, а од неколкуте врвни стратези кои беа поврзувани со клупата на „кнезовите“ изборот на крајот паднал врз Василис Спанулис.
Легендарниот грчки кошаркар ја почна тренерската кариера како предводник на Перистери, во меѓувреме и стана селектор на грчката репрезентација, во текот на летото беше поврзуван со неколку евролигашки клубови, за сега конечно да добие шанса и како тренер да биде дел од елитното европско натпреварување.
Француските медиуми информираат дека преговорите се во завршна фаза, Спанулис ќе потпише договор до јуни 2026 година, а своето деби би требало да го има веќе задутре, на домашен терен против Асвел во Евролигата.
Монако има скор од 6-4 по првите десет рунди во Евролигата и 6-3 во францускиот шампионат.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
