Изминатата ноќ во НБА лигата се одиграа oсум натпревари. Во дербито на вечерта во крајно интересен натпревар Лос Анџелес лејкерс на домашен терен славеа над Милвоки бакс со минимални 123-122.
„Езерџиите“ на овој меч не можеа да сметаат на Леброн Џејмс, а во негово отсуство најдобар на теренот беше Дианџело Расел кој мечот го заврши со 44 поени. Кај поразените недоволен беше трипл-дабл учинокот на Јанис Адетокумбо (34 поени, 14 скока и 12 асистенции).
Oклахома сити тандер на домашен терен славеше над Мајами хит со 107-100. Најефикасен во таборот на победникот беше Шеј Гилџс Александер со 37 поени, додека кај поразените се истакна Хаиме Жакез џуниор со 25 поени.
Во останатите мечеви од синоќешната понуда: Вашингтон – Шарлот 112-100, Филаделфија – Њу Орлеанс 103-95, Орландо – Њујорк 98-74, Кливленд – Минесота 113-104, Мемфис – Атланта 92-99 и Портланд – Хјустон 107-123.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
