Лејкерс без Леброн немаат шанси со шампионот (ВИДЕО)

  • Екипа
  • 03.02.2019 / 08:32
  • СПОДЕЛИ:

Леброн Џејмс се врати по повредата, но не беше во тимот на Лос Анџелес Лејкерс во пресметката со НБА првакот, Голден Стејт која неговиот тим ја загуби со 115-101.

Лејкерс и без главниот играч беа конкурентни во пресметката три четвртини, но Голден Стејт беше доминантен во завршниот период и ја забележа 37 победа сезонава, има и 15 порази и со идентичен биланс како Денвер е на врвот на Западната конференција.

Лејкерс и натаму одат надолу на табелата, сега се дури 10. со ефект од 27/26.

Најголемиот конкурент на Голден Стејт, тимот на Денвер ја продолжува победничката серија. Славеше тесна гостинска победа кај Минесота од 107-106. Ол-стар играчите во двата тима имаа одлични изданија. Никола Јокиќ го забележа деветтиот трипл-дабл, дуелот го заврши со 13 поени, 16 скока и 10 асистенции. Кај Минесота, Карл Ентони Таунс постигна 31 поен.

 


Триумф забележа и лидерот на Исток и најдобар тим во лигата, Милвоки. Славеше над Вашингтон со 131-115. Милвоки има биланс од 38/13, една победа повеќе и два пораза помалку од водечките на Запад, Голден Стејт и Денвер.

Далас и Лука Дончиќ не му дозволија на Кливленд да врзе победничка серија од три последовни триумфа. Го победија на негов паркет со 111-98, а словенечкиот кошаркар имаше одлично издание со дабл-дабл ефект од 35 поени и 11 аситенции. Само во првото полувреме Дончиќ постигна 28 поени.

 


Џејмс Харден ја продолжи серија од 30 плус натпревари. Постигна 43 поени во победата на Хјустон над Јута од 125-98. Харден имаше и 12 скока. Хјустон и Јута се на шестото и на седмото место во Западната конференција.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


    Се вчитува...