Уште еден, 10-ти пораз за кошкарите на ЛА Лејкерс, кои дефинитивно имаат лоша сезона во НБА. Од 22 меча досега, победија на 12 а на 10 доживеаја порази, од кои три во последните пет натпревари.
Можеби важеа за благи аутсајдери пред мечот со Мајами, но дека ќе доживеат убедлив пораз од 41 разлика, никој не се надеваше. На крајот резултатот гласеше 134-93 во корист на „жешките“.
Уште во првата четвртина Мајами се стекна со предност од осум поени разлика, а на полувреме замина со 17. Ако имаше некоја надеж за Лејкерс дека може да се вратат во мечот, беше отстранета во третиот период кој Мајами го доби со уште поголема разлика, за последниот период да биде само формалност, но и него го добија домашните кошаркари.
Тајлер Хиро беше најефикасен со 31 поен, додека кај Лејкерс Леброн не можеше се сам, и постигна 29 поени, но ја немаше поддршката од другите соиграчи.
We all need to relive Tyler’s 3rd quarter 🎥 pic.twitter.com/8rVYgxRSyp
— Miami HEAT (@MiamiHEAT) December 5, 2024
Залудна беше и добрата партија на Јанис Адетокумбо на домашен терен против Атланта, кога гостите ја однесоа победата 119-104. Гркот постигна 31 поен и имаше 11 скока, но сето тоа на крајот недоволно. Атланта славеше со 119-104 благодарение на тимската игра. Победата ја градеа во текот на целиот натпревар, ги добија сите четири четвртини, за на крајот да ја продолжат одличната серија која трае пет победи по ред.
НБА, РЕЗУЛТАТИ
Бостон – Детроит 130:120
Бруклин – Индијана 99:90
Мајами – ЛА Лејкерс 134:93
Филаделфија – Орландо 102:106
Милвоки – Атланта 104:119
ЛА Клиперс – Минесота 80:108
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
