Кошаркарите на Лос Анџелес Лејкерс на гостински терен ja победија Оклахома со 126-99 во синоќешниот натпревар во НБА лигата.
Лејкерси го совладаа најдобриот тим на Западот и најдобрата одбрана во лигата, постигнувајќи речиси исто толку поени (78) на полувремето како и во првиот натпревар од сезоната (93). Ова беше втор пораз во низа за Оклахома, но нема да промени ништо во тоа да се биде прв на Западот, додека Лејкерси забележаа важна победа во изедначувањето за третото место со Денвер, Голден Стејт, Минесота и Мемфис.
Лејкерси погодија практично се што шутираа, а особено расположен беше Дончиќ. Практично во ниту еден момент од овој натпревар не се ни помисли дека Оклахома може да победи.
Лејкерси во втората четвртина брзо дојдоа до +29, а во првото полувреме реализираа дури 15 тројки – од 22 обиди! Во вториот дел домашните најмногу успеваа да се доближат на минус 18 поени, што не резултираше со размислувања за драма.
Дончиќ беше најдобар стрелец кај победниците со 30 поени, седум скока и шест асистенции. Остин Ривс постигна 20 поени, а Леброн Џејмс 19 поени и седум асистенции.
Luka hangs & spins it off the glass
Up to 30 PTS on NBA TV
pic.twitter.com/hfnglFj7zd
— NBA (@NBA) April 6, 2025
На другата страна, Гилџес-Александер имаше 26 поени и девет асистенции, а најдобро го следеше Џејлен Вилијамс со 16 поени и шест скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
